राज्यसत्ता
काठमाण्डौ , पुष २५ ।
इन्डोनेशियाको राजधानी जकार्ताबाट यात्रुबोकेर उडेको एक यात्रुवाहक विमान उडेलगत्तै बेपत्ता भएको छ । उक्त यात्रुवाहक विमानमा ५० जना यात्रुले सवार गरेका थिए ।
श्रीविजया एयर बोइङ ७३७ विमान देशको राजधानी जकार्ताबाट वेस्ट कालिमान्तन प्रान्तको पोन्टिआनक जाने क्रममा रहेको अधिकारीहरूले बताएका छन् ।
उडानहरूको विवरण राख्ने वेवसाइट फ्लाइटरडारडटकमका अनुसार एक मिनेट भन्दा कमसमयमा उक्त विमानले १० हजार फिट भन्दा बेसि उचाइ गुमाएको थियो । सरकारका प्रवक्ता अदिता इरावतीका अनुसार शनिबार इन्डोनेसियाको राजधानी जकार्ताबाट टेक अफ भएको १ मिनेटमै श्रीविजय एयरको सम्पर्क हराएको थियो ।
हराएको जहाज हाल अनुसन्धान भइरहेको छ । राष्ट्रिय खोज तथा उद्धार एजेन्सी र राष्ट्रिय यातायात सुरक्षा समितिको समन्वयमा रहेको अदिता इरावतीले विज्ञप्तिमा भनेका छन । देशको यातायात मन्त्रालयले खोजी कार्य सुरु भइसकेको जनाएको छ ।
2
0
