रोजगारीका लागी मलेसिया पुगेका छ जना नेपाली त्यहीं अलपत्र परेका छन् । काठमाडौस्थित लक्की म्यानपावर मार्फत उनीहरु मलेसिया पुगेका थिए । बाँके कचनापुर–७ टिकुलीपुर निवासी ऐभान कुसारीका अनुसार उनीहरुलाई म्यानपावरले राम्रो तलब सुविधा दिने भन्दै साताअघि मलेसिया पठाएको थियो ।
मलेसियामा अलपत्र परेका उनीहरुसँग कम्पनीले आधिकारिकता मागेपछि ठगिएको थाहा पाएको कुसारीले बताए । कुसारीका अनुसार उनीसँगै अलपत्र पर्नेहरुमा भोजपुरका बुद्धिबहादुर तमाङ, खोटाङका भूपाल बुढाथोकी र राजु सोनाम, नुवाकोटका कमल तमाङ र अर्घाखाँचीका खेमराज केसी छन् ।