हिमालीद्वारा बाढि पिडित जस्तापाता वितरण

मनोज घर्तीमगर

पोखरा–२६ भकुण्डेको हिमाली बाल कल्याण संरक्षण मञ्चले भदौरे तामागी गाविसका पहिरो पिडितहरुलाई जस्ता पाता वितरण गरेको छ ।

साउन १३ गते गएको विनासकारी बाढि पहिरोमा परि पिडित भएका २४ परिवार लाई ३६ वण्डल जस्तापाता वितरण गरेको हो । हिमाली बाल कल्याण संरक्षण मञ्चका शाखा प्रमुख टंक प्रसाद गुरुङले पिडितहरुलाई जस्तापाता हस्तान्तरण गरेका हुन् । उनले दिन दुःखीको सहारा भगवान हुन्छन् भन्दै अझै पनि सहयोगी हातहरु फैलाउन सबैलाई अनुरोध गरे ।

वितरण कार्यक्रममा सभापति तथा भदौरे तमागी गाविसका सचिव शेरवहादुर कुवँरले सहयोगले पिडितलाई केहि भए पनि राहत हुने बताए । कार्यक्रममा स्थानिय समाजसेवी र सर्वदलीय सम्यन्त्रका नेताहरुले सहयोगको प्रशंसा गरेका थिए ।