देब पचभैया
पाल्पा, श्रावण १ – श्रीनगर एफ,एम प्रालि तानसेन पाल्पाले भुकम्प प्रभाबित दुई कर्मचारीलाई राहात प्रदान गरेको छ ।
भुकम्पले घरमा क्षति पुगेपछि प्रालिमा कार्यरत प्राबिधिक प्रेम कुमाल र कार्यालय सहायक गिता पौडेलको परिवारलाई प्रालिका अध्यक्ष भिमसेन कार्कीले सात / सात हजारका दरले १४ हजार प्रदान गरे ।
तानसेन ७ कैलाशनगरमा रहेको श्रीनगर एफ,एम प्रालिको कार्यालयमा शुक्रबार एक कार्यक्रमको आयोजना गरी उनीहरुलाई राहात स्वरुप नगद रकम प्रदान गरिएको हो ।
राहात प्रदान कार्यक्रममा प्रालिका अध्यक्ष भिमसेन कार्कीले भुकम्प प्रभाबित कर्मचारी माथि परेको समस्यालाई आत्मसात गर्दे राहात स्वरुप प्रालिको तर्फबाट पाच / पाच हजार र संचालक सदस्य दामोदर गैरेको तर्फबाट दुई / दुई हजार गरी १४ हजार प्रदान गरिएको जानकारी दिए ।
प्रालिमा कार्यरत पत्रकारहरुको लागी बिदा, संचय कोष, दुर्घटना बिमा लगाएतका सुबिधाहरु प्रदान गरिएको जानकारी दिदै अध्यक्ष कार्कीले कर्मचारीहरुको लागी बिगत देखि नै औषधी उपाचारको लागी सहयोग गरिरहेको जानकारी दिए ।
सिद्धेश्वर २ स्थित मग्रान घर भएका प्रेम कुमाल बिगत दुई बर्ष देखि प्राबिधिक पदमा र बन्दीपोखरा ९ सेनबेसी घर भएकी गिता पौडेल बिगत पाच बर्ष देखि कार्यालय सहायकको रुपमा कार्यरत छन् । राहात कार्यक्रममा प्रेम कुमालका बुवा दलबिर कुमाल र गिता पौडेलकी सासु लक्ष्मी पौडेलले आफुहरुको समस्यामा श्रीनगर एफ,एमले मलम लगाउने प्रयास गरेकोमा धन्यबाददिए ।
प्रालिका अध्यक्ष कार्कीको अध्यक्षता र स्टेशन म्यानेजर देब पचभैयाको संचालनमा सम्पन्न भएको कार्यक्रममा श्रीनगर एफ,एमका संचालक, शेयर सदस्य र कर्मचारीहरुको सहभागीता रहेको थियो ।
0
0
