देब पचभैया
पाल्पा, बैशाख ११ – पाल्पाको मदनपोखरा तल्लो डुम्रे निरको गौडेपुल अगाडि गुडिरहेको मोटरसाईकललाई माथि बाट खसेको ढुंङ्गोले लाग्दा आज दिउसो दुई बजे तिर एक जनाको घटनास्थलमै ज्यान गएको छ । ३ जना घाईते भएका छन् ।
दुर्घटनामा मदनपोखरा १ डाडाडुमका ४० बर्षिय अम्रित श्रेष्ठको ज्यान गएको हो । उनले मोटरसाईकल चलाएका थिए । उनको पछाडी बसेकी मुर्गिया रुपन्देहीकी २४ बर्षिया अन्जु सारु घाईते भएकी छिन् ।
सिद्धार्थ राजमार्ग अन्र्तगत बुटवल पाल्पामा पर्ने गौडेपुल निर एक्कासी माथि बाट खसेको धुले पहिरो संगको ढुंङ्गोले पाल्पा बाट बुटवल जादै गरेको लु २० प ४३ ९२ नम्बरको मोटरसाईकल र चालकलाई लाग्दा सो दुर्घटना भएको जिल्ला प्रहरी कार्यालय पाल्पाले बताएको छ । मृतकको टाउको र खुट्टामा लागेको थियो ।
सोही मोटरसाईकल पछाडी मोटरसाईकलमै रहेका दुई ईटालियन नागरिक पनि घाईते भएका छन् । आफ्नै अगाडी पहिरोले मोटरसाईकल र मान्छे च्यापिएको देखेपछि उनीहरु आत्तिएको बताएका छन् । गुडिरहेको मोटरसाईकल छोडेर सडकमै उछिट्टीएका उनीहरुको मोटरसाईकल भने सडक देखि ५० मिटर तल डुम्रे खोलामा खसेको थियो ।
सामान्य घाईते भएका उनीहरु लुम्बिनि मेडिकल कलेज प्रभासमा उपचार पछि फर्किएका छन् ।
0
0
