देब पचभैया
पाल्पा, कार्तिक २० – नक्कली सर्टिफिकेटमा एक शिक्षक माथि उजुरी परेपछि अख्तियारले अनुसन्धान थालेको भन्दै पाल्पामा शिक्षकहरुले धमाधम राजीनामा बुझाएका छन् ।
एक महिनाकै अवधीमा २५ जना शिक्षकले राजीनामा बुझाएको जिल्ला शिक्षा कार्यालय पाल्पाले जानकारी दिएको छ । स्रोतका अनुसार राजीनामा बुझाउने शिक्षकको संख्या ६० बढी पुग्ने अनुमान गरीएको छ । एक शिक्षकले भारतको बिश्वबिधालयबाट नक्कली सर्टिफिकेट किनेर जागिर खाएको उजुरी परेपछि अख्तियारले जिल्लाका सबै शिक्षकको कागजात तयार पार्न शिक्षाकार्यालयलाई निर्देशन दिएको थियो । शिक्षा कार्यालयले कागजात माग्न थालेपछि कारबाहीमा परिने डरले उनीहरुले राजीनामा दिएको बताईएको छ ।
राजीनामा दिनेमा अधिकांश पेन्सको अवधी पुगेकाहरु रहेका छन् । पहिल्यै भातरबाट १२ कक्षा पास भएको प्रमाणपत्र बुझाएका शिक्षकले धेरै पछि नेपालबाट एस,एल,सि पास गरेको भेटिएको पनि शिक्षा स्रोतले जानकारी दिएको छ ।
0
0
