देब पचभैया
पाल्पा, कार्तिक १४ – बराङ्गदी ५ सापाखुम पाल्पाकी ३९ बर्षिया मुटुरोगी लक्ष्मी कुमारी पांडेको मृत्यु भएको छ ।
उपचारको क्रममा काठमाण्डौ स्थित गंगालाल अस्पतालमा शुक्रबार बेलुकी उनको मृत्युभएको हो ।
लक्ष्मीलाई बचाउन बिभिन्न स्थानमा लक्ष्मी बचाँउ अभियान संचालन भएको थियो भने देश बिदेश बाट समेत आर्थिक सहयोग संकलन भएका थिए ।
मुटुरोगी लक्ष्मी पाडेलाई अस्पतालले छिटो अप्रेशन गर्न भनिरहेको भएपनि पैसाको अभाबमा अप्रेशन हुन सकेको थिएन । उपचारको लागी अस्पतालले तत्काल ६ लाख आबश्यक हुने बताएपनि बिभिन्न स्थानबाट उहालाई दुई लाख जती सहयोग उठेको थियो । सानैमा बुवा गुमाएकी लक्ष्मीका ६५ बर्षिय आमा मात्रै हुनुहुन्छ ।
लक्ष्मी पाडेलाई २०५५ सालमा मुटुको रोग देखापरेको थियो । आम्दानीको स्रोत केही नभएकाले उहालाई गाउले र छिमेकीहरुले चन्दा उठाएर उपचारको लागी काठमाण्डौ पठाएका थिए । बिर अस्पतालमा अप्रेसन गरी मुटुको भल्ब नली काटेर बनाएको र रोग बल्झिएपछि ६२ सालमा मुटुको भल्ब नलीको अप्रेसन गरी दुई वटा भल्ब खोलेर गंगालाल अस्पतालमा बनाईएको थियो ।
0
0
