खिनु गुरुङ
भैरहवा , भाद्र २४ – भैरहवा सिद्धार्थ नगरपालीका ७ स्थित बर्मेली टोलको सुकदेव पार्कमा रहेको शहिद शुकदेव गुरुङको शालिक अलपत्र परेकोछ ।
भैरहवा बुटवल सडक मार्ग ६ लेनको बनाउन सडक विस्तार कार्य सुरु भए पछी सुकदेव पार्क भत्काईएको थियो । पार्क भत्काई पछी उक्त स्थानलाई सडक निमार्ण सामग्री डम्पिङ स्थानको रुपमा प्रयोग गर्दै ठेकेदार कम्पनीहरु आईरहेका छन् ।
सडक निमार्णका लागी चाहिने ढुङा फोडदा शालिकमा पनी क्षति पुगेकोछ । तर यस विषयमा न प्रशासन न त नागरिक समाज नै चिन्तीत छन् ।
२०६५ साल चैत्र १० गते तत्कालीन कानुन तथा संविधान व्यवश्था मन्त्रि देव गुरुङले अनावरण गर्नु भएको थियो । त्यस पछी पार्कको संरक्षण संबद्र्धन तमू ह्यूल छोजं धी जिल्ला कार्य समितिले गर्दै आएको थियो ।
तमू ह्यूल छोजं धी जिल्ला कार्य समितिका अध्यक्ष सुर्यलाल गुरुङले हामीले संरक्षण र सरसफाई गर्दै आएको पार्क विना सुचना सडक विभागले भत्काई शालिक क्षतीग्रस्त बनाएकोमा प्रशासन प्रति असन्तुष्ट व्यक्त गरेका छन् । तर शालिकको संरक्षणको लागी कुनै पहल नहुदा शालिक अलपत्र परेको छ ।
शहिद शुकदेव गुरुङ राणा विरोधी आन्दोलनका क्रममा १८ बर्षे लामो जेल जिवन पश्चात षडयन्त्र पुर्वक वि स १९३३ चैत्र १० गते जेल भित्र नै मारिएका थिए ।
0
0
