नेपाल मगर विद्यार्थी संघले प्रवासी मगर संघ मलेसियालाई स्वागत तथा सम्मान

दिपा आलेमगर
काठमाडौं श्रावण १७, नेपाल मगर विद्यार्थी संघ केन्द्रिय समितिले हिजो शुक्रबार एक कार्यक्रम गरी आफ्नै कार्यालयमा प्रवासी मगर संघ मलेसियालाई स्वागत तथा सम्मान गरेको छ ।
नेपाललाई जन्मथलो विदेशी भूमिलाई कर्म थलो बनाई आफ्नो पहिचानकोलागि योगदान पुराउदै आइरहेको मगर संघ मलेसियालार्ई संघले स्वागत तथा सम्मान गरेको हो । संघका अध्यक्ष दिपा आलेमगरले प्रवासी मगर संघ मलेसियाका अध्यक्ष राजेन्द्र रानामगर, सल्लाहकारहरु सोम बुढाथोकीमगर, छवि सूर्यवंशीमगर र हरि दलार्मी मगरलाई कार्यालयमा स्वागत गर्दै खादा लगाएर सम्मान गरिएको थियो ।
स्वागत तथा सम्मान कार्यक्रममा बोल्दै प्रवासी मगर संघ मलेसियाका अध्यक्ष राजेन्द्र रानामगरले मगर विद्यार्थीहरु आफू स्यम आत्मनिर्भर हुनु पर्ने बताए । उनले मगर विद्यार्थी संघ आफू स्यंम आत्मनिर्भर नहुंदासम्म संगठनले गति लिन नसक्ने बताउंदै मगर विद्यार्थी संघ सांगठनिक रुपमा सक्रिय बन्दै आर्थिक पक्ष बलियो हुनु पर्ने बताए । अध्यक्ष रानामगरले आजको २१ औं शताब्दीमा आइपुग्दापनि मगर समुदायले गरेका कार्यक्रमको मूल्यांकन राज्यले नगरेकोमा गुनासो गरे ।उनले भने राज्य समक्ष हाम्रो आवाज पुराउन मगर मिडिया खोज्नु जरुरी छ ।एकात्मक ढंगले परिचालन यहांका सञ्चार माध्यमले पछाडि परेका जातजातिका आवाजलाई राज्यसमक्ष पुराउन नसक्नु राज्यलाई नै घाटा हुने बताए । मगर समुदाय जुनसुकै राजनीतिक विचारमा आबद्ध भएपनि मगर समुदायको विकासकोलागि एउटै मालामा गांसिनु पर्ने उल्लेख गर्दै मगर संघ मलेसियाले मगर विद्यार्थीको हितकोलागि आफूहरुले सक्दो सहयोग गर्ने प्रतिबद्धता समेत जाहेर गरे ।
स्वागत कार्यक्रममा नेपाल मगर विद्याथी संघका संस्थापक महासचिव एव सल्लाहकार राम बहादुर थापामगरले मगर समुदाय शिक्षित हुनुपर्ने बताए । शिक्षा विना मगर समुदाय अघि बढ्न नसक्ने भएको हुंदा शिक्षामा जोड दिर्दै भाषा, धर्म, सस्कृति र पहिचान र सभ्यतालाई जोगाउर्दै युवा पुस्ता अघि बढ्नु पर्नेमा जोड दिए । उनले ब्यक्तिमात्र शिक्षित भएर नहुने बताउंदै समग्र देशको विकासगर्न समाजलाई शिक्षित बनाउनु पर्ने बताए ।
कार्यक्रममा नेपाल मगर विद्यार्थी संघका सल्लाहकार एवंम अधिवक्ता गौ बहादुर आले मगरले मगर समुदाय र मगर विद्यार्थीलाई आर्थिक, शैक्षिक, सामाजिक, राजनीतिक लगायतको क्षेत्रमा अगाडि बढाउन राज्यको सहयोग हुनु पर्ने बताए । साथै देशविदेशमा छरिएर रहेका मगर समुदायको पनि भूमिका हुनु पर्नेमा जोड दिए ।
नेपाल मगर विद्यार्थी संघका पूर्व अध्यक्ष एवं सल्लाहकार भोज विक्रम बुढामगरले मगर विद्यार्थी संघलाई आर्थिक रुपमै बलियो बनाउन विभिन्न रचनात्मक कार्यक्रम गर्नु पर्नेमा जोड दिए । मगर समाज मात्र नभई देशको विकास गर्न सबै नेपालीहरु एकजुट भएर लाग्नु पर्ने बताए ।
कार्यक्रममा संघका पुर्व अध्यक्ष झकेन्द्र घर्तिमगर, प्रवासी मगर संघ मलेसियाका सल्लाहकारहरु सोम बुढाथोकीमगर, छवि सुर्यवंशीमगर, हरि दलार्मीमगर लगायतले संगठनको दिर्घकालिन सफलताकोलागि शुभकामना ब्यक्त गरेका थिए ।
संघका अध्यक्ष दिपा आलेमगरले संगठनको हितकोलागि सबैको भुमिका हुनु पर्ने बताउंदै मगर विद्यार्थी संघलाई आर्थिक, भौतिक, नैतिक, शैक्षिक, सामाजिक क्षेत्रमा अगाडि बढाउन सबैको सहयोग हुनु पर्ने बताए । आर्थिक अभावकै कारण मगर विद्यार्थीले आफ्ना मुद्धाहरुलाई सक्रिय रुपमा परिचालन गर्न कठिनाई भएको बताउदै राज्यको ध्यानकर्षण हुनु पर्नेमा जोड दिए । अध्यक्ष आलेमगरले थोपा थोपा पानीले समुद्र बने झै आम देश विदेशमा बसोबास गर्ने मगर समुदायको साथ सहयोग हुन सके मगर विद्यार्थीले आफ्नो उद्देश्य पुरा गरेर छाड्नेमा दुई मत नभएको बताए ।
संघका सचिव विशाल रानामगरले गरेको सहजीकरणमा स्वागत मन्तब्य संघका वरिष्ठ उपाध्यक्ष कमल थापामगरले गरेका हुन् । कार्यक्रममा संघका भाषिक काइके उपाध्यक्ष गगन पुनमगर, कोषाध्यष कोकिल अस्थानीमगर, सदस्यहरु इमानसिंह रानामगर, हिमाल घर्तिमगर, किरण मगर, अमर रेश्मीमगर, निरज पुनमगर, लिला थापामगर,लगायतको सहभागीता रहेको थियो ।