महिलाको अगुवाईमा मोटरबाटो खनियो

देब पचभैया

पाल्पा, बैशाख १७ – पाल्पा जिल्लाको कुसुमखोला–४, नयाँटोलाका महिलाको अगुवाईमा मोटरबाटो खनिएको छ । चेतनशिल महिला समुहको अगुवाईमा अर्चलघाट देखि नयाँटोला ताल सम्म झण्डै ४ किलोमिटर मोटरबाटो महिलाहरूको अगुवाईमा खनिएको हो ।

महिला समुहको दुई लाख बढी लगानीमा मोटरबाटो खनिएको हो । गाउँमा गाडी पुर्याउन उनीहरूले समुहमा पैसा संकलन गरेका थिए । गाउँमा मोटरबाटो पुगेपछि स्थानीयहरु खुसी बनेका छन् । कुसुमखोला गाविस–४ का महिलाहरूको सक्रियाका कारण गाउँमा मोटर पुगेको उपभोक्ता समितिकी अध्यक्ष गोमा पचभैयाले बताए । मोटर पुगेपछि गाउँमा उत्पादित सुन्तला, अदुवा, तरकारी लगायतका बस्तुहरूलाई डुम्रे हुदै बुटबल पुर्याउन नजिक भएको स्थानीय सम्वर विश्वकर्माले जानकारी दिए ।