युएई/दुबई ,
१ फेबुरी , सगौरव राष्ट्रिय पहिचान बोकेको नेपाली मगर संघ युएई क्षेत्रिय समित दुबईको भेला सम्पन्न भएको छ । संघका केन्द्रीय सल्लाहकार एवं समरक्षक प्रिथिछक बुढा मगरको प्रमुख अतिथिमा र मनोज काउछा मगरको अध्यक्षतामा दुबईको मेट्रोपार्कमा सम्पन्न भएको भेलाले अध्यक्ष मनोज काउछा मगरको अध्यक्षतामा ११ सदस्यीय कार्य समिति चयन गरेको छ ।
उपाध्यक्ष थाम बहादुर घर्ति मगर,
सचिव टपन घर्ति मगर,
कोषाध्यक्ष चित्र थापा मगर
सदस्यहरुमा: सुशी पुलामी मगर,
सुरज राना मगर,
गलेंद्र मगर,
गोपी सारु मगर,
गीता पुलामी मगर,
कविराज बुढा मगर र सन बहादुर बुढा मगर रहेको कार्य समितिले किशन थापा मगरलाई सल्लाहाकारमा चयन गरेको छ ।
नेपाली मगर संघ युएईलाई पुनर्जीवित गरिएपछी संगठन विस्तारको शिलशिलामा आयोजना गरिएको क्षेत्रिय भेलामा आफ्नो विचार राख्दै कार्यक्रमका प्रमुख अतिथि बुढा मगरले मन्तब्य राख्ने क्रममा । हाम्रो आफ्नो जातीय पहिचानको लडाई उत्कर्षमा पुगेको अवस्थामा राष्ट्रिय पहिचाननै छाडियो भने राज्य संग हामीलाई जातीय पहिचानको अधिकार माग्ने कुनै नैतिक अधिकार नहुने बताए ।
वर्तमान परिपेक्ष्यमा प्रवासमा रहेका नेपाली आदिवासी जनजाति संगठनमा जातीय पहिचान सहित राष्ट्रिय पहिचानको मुद्दा अझ पेचिलो बन्दै गएकोले त्यस तर्फ हामि सवैको ध्यान जान जरुरि भएको पनि बताए ।
सोहिक्रममा नव निर्वाचित अध्यक्ष काउछा मगरले दुबई क्षेत्रमा रहनु भएका सम्पुर्ण नेपाली मगर हरुलाई राष्ट्रिय पहिचान र जातीय पहिचानको मर्म र यसको भावना एवं राष्ट्रिय पहिचान गुमाउदाको अवस्था वारे बुझाई नेपाली मगर संघ युएईमा संगठित गराउन हाम्रो टिम आफ्नो बुद्दी,विवेक र क्षमताले भ्याए सम्म लागि पर्ने बताए ।
भेलामा संघका अध्यक्ष चन्द्र सारु मगरले नव निर्वाचित कार्य समितिलाई पठाएको वधाई तथा शुभकामना पढेर सुनाईएको थियो ।
सुशी पुलामी /युएई
0
0
