काठमाण्डु
राष्ट्रिय आदिवासी जनजाति महिला महासंघको अध्यक्षमा शान्ति जिरेल निर्वाचित भईन । महिला महासंघको छैटौं महाधिवेशनले अध्यक्ष पदमा जिरेललाई चयन गरेको हो । जिरेल जनजाति अल्पसंख्यक समुदाय हुन् । अध्यक्ष पदका लागि जिरेल र थारु कल्याणकारीकी फुलमती चौधरीबीच प्रतिष्पर्धा भएको थियो । नवनिर्वाचित अध्यक्ष जिरेल निर्वतमान सभासद् हुन् । यस अघि चितवनमा भएको आदिवासी जनजाति महासंघमा पनि अल्पसंख्यक समुदायका नरेन्द्र कुमालले जितेकाथिए । यसपटक महिला चुनावमा पनि महासचिव र अनुसन्धान तथा सूचना संचार सचिव बाहेक अरु अल्पसंख्यक समुदायबाट निर्वाचित भएकाछन् । यसैगरी वरिष्ठ उपाध्यक्षमा बीना पहरी चयन भएकिछन् । महाधिवेशनले हिमाली उपाध्यक्षमा कुसुम भट्टचन, पहाडीमा सिर्जना प्रधान, तराई उपाध्यक्षमा मिना वराम लाई चयन गरेको छ । यसैगरी महासचिवमा गंगा खासु मगर, विभिन्न विभागिय सचिवहरुमा निर्मला भुजेल, सुमत्रा ताजपुरिया र अन्य दुईजना निर्वाचित भएकाछन् ।
महाधिवेशनले पहाडी उपाध्यक्ष सिर्जना प्रधान र जनसम्पर्क तथा संगठन विस्तार सचिव निर्मला भूजेललाई निर्विरोध निर्वाचित गरेको हो । ३६ वटा विभिन्न जातिय महिला संस्थाका प्रतिनिधिहरुको सहभागिता रहेको महाधिवेशनमा ३६ जना प्रतिनिधीहरुले मात्र भोट हाल्न पाउने ब्यबस्था गरिरहेको थियो ।
जनजाति महिला महासंघको ११ सदस्यीय समितिका लागि भएको निर्वाचनमा अध्यक्ष एकजना, महासचिव एकजना, वरिष्ठ उपाध्यक्ष सहित चारजना उपाध्यक्ष, चार जना विभागिय सचिव, एकजना कोषाध्यक्ष र सदस्य पदका लागि निर्वाचन भएको थियो ।
विहिबार राती अबेर सम्पन्न महाधिवेशनको भेलाले महासचिव सोनी लामा र कोषाध्यक्षको प्रतिवेदन पारित गरेको छ । नवनिर्वाचित कार्यसमितिलाई निवर्तमान कार्यसमितिका अध्यक्ष ङिमी शेर्पा लगायतले बधाई तथा शुभकामना दिएको छ ।
राष्ट्रिय आदिवासी जनजाति महिला महासंघका नवनिर्वाचित पदाधिकारीहरुको नामावली (सम्पर्क नम्बर सहित)
शान्ति जिरेल – अध्यक्ष
९७४१०५२२७४
बिना पहरी- वरिष्ठ उपाध्यक्ष
९८४१५१५०२९
कुसुम भट्टचन- उपाध्यक्ष (हिमाल)
९८४१३८७४१३
सिर्जना प्रधान- उपाध्यक्ष (पहाड)
९८५१०५३५२९
सुमित्रा ताजपुरिया – उपाध्यक्ष (तराई)
९८४२०९१२८५
गंगा खासु मगर- महासचिव
९८४१६५३८२८
श्रमिक लामा- अनुसन्धान तथा सूचना संचार सचिव
९८४१४४०७३७
लाक्पा दिकी शेर्पा- विदेश तथा परियोजना सचिव
९८४१६५७५१८
निर्मला भूजेल- जनसम्पर्क तथा संगठन सचिव
९८४१७९६८९२
मिना बराम – भाषा तथा संस्कृति सचिव
९८४११२३२१७
विन्दु माझी- कोषाध्यक्ष
९८४९४४०६७६
– आनन्द गुरुङ
0
0
