थाइल्याण्डका एक पत्रकारलाई १० वर्षको जेल सजाय

थाइल्याण्डका एक पत्रकारलाई १० वर्षको जेल सजाय सुनाइएको छ । राजसंस्थाको अपमान गरेको अभियोगमा उनलाई सजाय सुनाइएको हो । थाइल्याण्डबाट प्रकाशित हुने एक पत्रिकाका सम्पादक सोम्योत प्रुसाका सेमासुक माथि राजा तथा राजसंस्थाको विरुद्धमा लेख छापेको अभियोगमा गत वर्ष थाई सरकारले पक्राउ गरेको थियो । यसका साथै राजसंस्थाको विरोधमा भएको आन्दोलनलाई सहयोग गरेको आरोप पनि उनीमाथि लगाइएको छ । तर उनीमाथिको सजाय प्रति प्रेस स्वतन्त्रतामाथि हस्तक्षेप भएको भन्दै युरोपियन युनियन, विभिन्न मानवअधिकारबादी संस्था लगायत अन्तराष्ट्रिय क्षेत्रवाट आलेचना भएको छ ।