अर्थमन्त्रीको कुरा

तनहु, माघ ५,अर्थमन्त्री वर्षमान पुनले सेती नदीमा निर्माण गर्न लागिएको माथिल्लो सेती परियोजना निर्माण कार्यलाई अगाडी बढाएको बताउनुभएको छ । तनहुमा सञ्चारकर्मीहरुसँग कुरा गर्दै अर्थमन्त्री पुनले सरकारले परियोजनाका लागि आवश्यक स्रोत सामाग्री जुटाएर निर्माण कार्य अगाडी बढाएको बताउनुभयो । उहाँले जापान, युरोपेली बैंक लगायतका दातृ निकायको सहयोगमा निर्माणकार्य अगाडी बढाइएको भन्दै परियोजना सुचारु गर्न आर्थिक अभाव नहुने स्पष्ट पार्नुभयो । उक्त परियोजना सम्पन्न भएपछि समग्र देशको विद्युत्भार कटौतीलाई समेत न्यूनीकरण गर्न सकिने भएकाले परियोजना निर्माणलाई सरकारले प्राथमिकता दिएको उहाँले बताउनुभयो ।