कार्यकर्ता मारिएको भन्दै नेकपा–माओवादीद्धारा अबध राज्य बन्द आहवान

बुटवल २० पुस, आफ्ना स्थानिय नेताको सोधपुचका क्रममा प्रहरी हिरासतमा भएको मृत्युको सत्य तथ्य छानवीनको माग गर्दै नेकपा माओवादीले आज अवध राज्य बन्दको आहवान गरेको छ । बन्दका कारण आज बिहानैबाट रुपन्देही, कपिलवस्तु, नवलपरासीका जिल्लाको जनजिवन प्रभावित भएकबा छन् । पार्टीका अबध राज्य समिती सदस्य शैलेश तिवारीको प्रहरी हिरासमा भएको रहष्यमय मृत्युको सत्यतथ्य छानविनको माग र दोषिमाथि कार्बाहीको माग गर्दै नेकपा माओवादी सघर्षमा उत्रिएको हो । नेकपा माओवादीले घटनाकोे बिरोधमा शुत्रबार अबध राज्यका रुपन्देही, कपिलबस्तु र नवलपरासी गरी ३ जिल्ला बन्दको आब्हान गरेको जिल्ला ईन्चार्ज बसन्त श्रेष्ठले जानकारी दिए । उनले दोषिमाथि कार्वाही र पिडित पक्षलाई क्षेतिपुर्ती नदिदा सम्म सघर्षका कार्यक्रम नरोकिने बताए । पार्टी महाधिबेशन तयारी प्रचार प्रसारका क्रममा रहेका तिवारीलाई प्रहरीले सोधपुछ गर्न रुपन्देहीको रोहणिहवा प्रहरी चौकीमा लैजादा बुधबार दिउसो ३ बजे रहष्यमय मृत्यु भएको थियो ।
रुपन्देहीको फरेना २ का ३५ बषिृय तिवारी उत्त रत्तचापको बिरामी भएका कारण मृत्यु भएको प्रहरीले दावी गरेको छ । तिवारीको शब पोष्टमार्टमका लागि बुटवल स्थित लुम्बिनी अञ्चल अस्पतालमा राखिएको छ । बिहिबार गर्ने भनिएको पोष्ट मार्टम रात परेपछि शुक्रबार गरिने ईन्चार्ज श्रेष्ठले जानकारी दिए ।