बाबुराम नै ठिक : माओबादी

काठमाण्डौ,मंशिर १३

एकीकृत नेकपा माओबादीले पार्टी नेता बाबुराम भट्टराईको नेतृत्बमा नै सहमतिय सरकार गठनका लागी पहल गर्ने निर्णय गरेको छ । बैठकले सहमतिय सरकारको नेतृत्ब कांग्रेस एमालेलाई दिन नसक्ने ठहर गर्दै भट्टराई कै नेतृत्बमा सहमतिय सरकार गठनका लागी पहल गर्ने निर्णय गरेको हो ।

माओवादीले भट्टराईको नेतृत्वमा राष्ट्रिय सहमति नजुटे गठवन्धनभित्रको नेतृत्व खुला राख्ने निर्णय समेत गरेको छ । प्रचण्ड निवास लाजिम्पाटमा आज बसेको पार्टी पदाधिकारी सहित व्युरो इन्चार्जहरुको बैठकले सहमतीय सरकारको प्रधानमन्त्रीका लागी भट्टराईलाई पहिलो प्राथमिकतामा राखेको एकीकृत माओवादीले पार्टी उपाध्यक्ष नारायणकाजी श्रेष्ठ तथा गठवन्धनबाट विजयकुमार गच्छदार र महन्थ ठाकुरलाई विकल्पका रुपमा अगाडि सार्ने निर्णय समेत प्रबक्ता अग्नी सापकोटाले जानकारी दिनुभयो ।