जनजाति महिलाको प्रथम भेला सम्पन्न

आदिवासी जनजाति महिलाको प्रथम राष्ट्रिय भेला सम्पन्न भएको छ । राजधानीको ललितपुरमा जारी दुई दिने भेला माघ २८ गते सम्पन्न भएको हो । भेलाले महिला समावेशीकरण सम्बन्धी घोषणापत्र जारी गरेको छ ।

नेपाल आदिवासी जनजाति महासंघले आयोजना गरेको भेलामा आदिवासी जनजाति महासङ्घका महासचिव सोनी लामाले कार्यपत्र प्रस्तुत गरेकी थिइन् । भेलाको उदघाटन संविधानसभा उपाध्यक्ष पूर्णकुमारी सुवेदीबाट माघ २७ गते गरिएको थियो ।