संघीयता, समावेशीता र समानुपातिक प्रतिनिधित्वको सख्त विरोधी खस क्षेत्री एकता समाजले क्षेत्रीहरुलाई भने आरक्षण माग गरेको छ । समाजका अध्यक्ष युवराज कार्कीले माघ १५ गते इटहरीमा पत्रकार सम्मेलन गरेर क्षेत्रीले आरक्षण नपाए सशक्त आन्दोलन गर्ने धम्की समेत दिए ।
दलित, मुस्लिम, आदिवासी\जनजाति, महिला, मधेशीलाई नभई क्षेत्री पुरुष आरक्षणको पहिलो हकदार भएको क्षेत्री समाजको ठहर छ । रोजगारी लगायतका क्षेत्रमा क्षेत्रीहरु बन्चित भएकाले आन्दोलन गर्ने तयारी भईरहेको उनले जानकारी दिए । कार्कीले क्षेत्रीलाई आरक्षण माग गरेपनि ९८ प्रतिशत भन्दा बढी निजामती सेवा लगायत सरकारी निकाय अहिले पनि क्षेत्री वाहुनकै कब्जामा छ ।
क्षेत्रीलाई आरक्षण र रोजगारीमा ग्यारेन्टी गर्नुपर्ने लगायतका माग सरकारले वेवास्ता गरेको कार्कीलेब बताए । पूर्वका १६ जिल्लाबाट सरकारलाई दवाव दिन लागेको उनको भनाई छ ।
0
0
