अर्थ मन्त्री तथा एनेकपा माओवादी स्थायी समिति सदस्य वर्षमान पुन मगरले मगरलाई आरक्षण नचाहिने बताएका छन् । नेपाल मगर संघको दशौं राष्ट्रिय महाधिवेशन उदघाटन कार्यक्रमलाई सम्बाधेन गर्ने क्रममा पुनले यस्तो धारणा राखेका हुन ।
कार्यक्रमका प्रमुख अतिथि समेत रहेका पुन मगरले मगरहरु पनि प्रतिस्पर्धाबाट आउन सक्नु पर्ने उल्लेख गरे । संविधानसभामा रहेका आदिवासी जनजाति सभासदसभा ककसका पूर्व संयोजक भईसकेका पुनले आरक्षणकॊ भर नपर्न सम्पूर्ण मगरहरुलाई सचेत गराएका छन् । प्रतिपस्र्धा नगरी आरक्षण खोजेर कतिन्जेल बस्ने भन्ने उनको भनाई थियो । राज्य पुर्नसंरचना गर्दा पहिचान र सार्मथ्यलाई जोड दिनुपर्नेमा मन्त्री पुनले जोड दिए ।
मगर संघको अतिथि बन्न पुगेका पुन मगरले मगरको विषयलाई भन्दा माओवादीको आन्तरिक खिचातानी र राजनीतिक विषयलाई बढी समय दिएका थिए । कार्यक्रममा उनले नयाँ संविधान जारी नभएसम्म प्रधानमन्त्री डा बाबुराम भट्टराईकै नेतृत्वमा राष्ट्रिय सहमतिको सरकार रहने बताए । पुनले चार दलका शीर्ष नेताहरुलाई राष्ट्रिय सरकारका लागि गृहकार्य गर्न दिएपनि काँग्रेसले हतियार व्यावस्थापनको विषयमा लिएको अडानका कारण सहमतिको सरकार बन्न अझै २/३ महिना समय लाग्नसक्ने धारणा व्यक्त गरे ।
मन्त्री पुन मगरले पार्टीभित्रको अन्तरविरोधले देशमा राजनीतिक गतिरोध आउन नदिने भन्दै कुनै पनि पार्टीभित्रको अन्तरविरोधलॆ शान्ति प्रकि्रया र संविधान निर्माणका कुराहरु रोकिन नहुने उल्लेख गरे ।
सम्बन्धित समाचार
मगर संघको केन्द्रीय महाधिवेशन गुल्मीमा
0
0
