आदिवासी जनजाति संयुक्त संघर्ष समितिको भेला काठमाडौको राष्ट्रिय सभागृहमा सम्पन्न भएको छ । नयाँ संविधानमा आदिवासी जनजातिको अधिकार सुनिश्चितताको मुद्दामा छलफल गर्न मंसिर ५ गते भेला आयोजना गरिएको हो ।
भेलामा बोल्दै काँग्रेस नेता आईबी गुरुङ्गले माओवादी काँग्रेस र एमालेका वाहुन नेताहरुले आदिवासी जनजातिलाई अधिकार नदिने षडयन्त्र गरेको बताए । एमालेका विजय सुब्बा गुरुङ्गले आदिवासी जनजातिहरु एक भएर आवाज उठाउन सकेन भने भावी सन्ततिले कुकुरले नपाएको दुख पाउने उल्लेख गरे ।
एमाओवादी नेता सुरेश आले मगर साचालक रहेको भेलामा एमाओवादी सचिव अग्नि सापकोटा अन्तिम वत्ता रहेका थिए । सापकोटाले आदिवासी जनजातिको भन्दा दलित समुदायको पीडा गम्भिर भएकाले जनजातिलाई भन्दा दलितलाई पहिला अधिकार दिनुपर्नेमा जोड दिए ।
नेवा तम्सालिङ्ग संयुक्त संघर्ष समिति व्यवस्थापन सहयोगी रहेको भेलामा ताम्सालिङ्ग नेपाल राष्ट्रिय दलका अध्यक्ष परशुराम तामाङ्गले धन्यवाद ज्ञापन गरेका थिए ।
मल्ल के सुन्दरको स्वागत मन्तब्यबाट शुरु भएको भेलामा कार्यक्रममा संविधानसभा अध्यक्ष सुवासचन्द्र नेम्वाङ्ग प्रमुख अतिथि रहेका थिए ।
0
0
