गैरआवासीय नेपाली विश्व सम्मेलन असोज २५ गते

रोजगारी व्यापार व्यावसाय अध्ययन आदिका कारण विदेशमा रहेका नेपालीहरुको संगठन गैरआवासीय नेपाली संघको पाँचौ विश्व सम्मेलन असोज २५ देखि २७ गते काठमाडौंमा गरिने भएको छ । उपप्रधानमन्त्री तथा परराष्ट्रमन्त्री नारायणकाजी श्रेष्ठको अध्यक्षतामा बसेको गैरआवासीय नेपाली सम्मेलन उच्चस्तरीय आयोजक समितिको बैठकले यस्तो निर्णय गरेको हो ।

‘हाम्रो साजाल – हाम्रो पहिचानः समृद्ध नेपाल’ नारा रहेको सम्मेलनमा विश्वका विभिन्न मुलुकबाट करिब ७०० गैरआवासीय नेपालीको सहभागिता रहने आयोजकको दाबी छ ।

नेपाल उद्योग वाणिज्य महासङ्घ र गैरआवासीय नेपाली सङ्घ संयुक्त आयोजक रहेको सम्मेलन सम्पन्न गर्न नेपाल सरकारले आर्थिक सहयोग उपलब्ध गराउँदै आएको छ । २०६० देखि प्रत्येक दुई वर्षमा सम्मेलन नेपालमा हुँदैआएको हो ।