घाँटीको थाइराइडको शल्यकि्रया गर्न अस्पताल पुगेका विरामी पाठेघर निकालेर फ्याँक्ने चिकित्सकहरु अर्को फुर्ति देखाएका छन् । घाँटीको शल्यकि्रयाका लागि अस्पताल भर्ना भएकी बुटवल निवासी छमकुमारी बोहराको जीवनमा खेलवाड गर्ने चिकित्सकहरु नियम अनुसार निलम्बन परेकोमा उल्टै दादागिरी देखाएर अस्पतालमा ‘ड्युटी’ गरिरहेका छन् ।
चिकित्सको न्यूनत्तम धर्म समेत पालना गर्न नसकेका डा. जितेन्द्र परियार, डा. भावना वाग्ले र रजना शाहलाई भरतपुरस्थित बिपी कोइराला मेमोरियल क्यान्सर अस्पताल साचालक समूहले निलम्बन गरेकोमा अटेर गरिरहेको अस्पताल स्रोतले जानकारी दिएको छ । निलम्बित डक्टरत्रयसँगै नस्रहरु उमा काफ्ले, अनिता चौधरी, सुनिता शर्मा र राजेन्द्र मल्लीले पनि सचालक समूहको निर्णयलाई धोती लगाई दिएकी छन् ।
उनीहरुले यो समाचार तयार पार्दासम्म निलम्बनको पत्र बुझ्न मानेका छैनन् । साउन २६ गते छमकुमारीको जीवन बर्बाद पार्ने चिकित्सकको यो समूहले आफ्नो गल्ती नभएको हास्यास्पद तर्क गरिरहेका छन् । उनीहरु भदौ ११ गते निलम्बित भएका हुन ।
घट्नाको छानविन गर्न डा। केदारनरसिँह केसीको संयोजकत्वमा उपभोक्ता मचका महासचिव ज्योति बानियाँ र डा. सुशील थापा सदस्य रहेको एक समिति गठन गरिएको थियो । समितिका एक सदस्य भन्छन्, ‘मेडिकल लाइसेन्स नै रद्द गर्नुपर्नेहरुलाई निलम्बित मात्रै गर्दा उल्टै फूर्ती देखाई छन् ।’
0
0
