नेपाल समता पार्टीद्वारा प्रधानन्याधीशलाई प्रधानमन्त्री बनाउन माग

पूर्व मन्त्री स्व. नारायणसिँ पुन मगरले स्थापना गरेको नेपाल समता पार्टीले प्रधानन्यायाधीशको अध्यक्षतामा कार्यकारिणी परिषदको गठन गरी सर्वपक्षीय गोलमेच सम्मेलनबाट नयाँ संविधान निर्माण गर्नुपर्ने माग गरेको छ । पार्टी अध्यक्ष मोतीप्रसाद राना मगरले भदौ १२ गते राजधानीमा एक कार्यक्रम गरेर यस्तो धारणा राखेका हुन ।

संस्थापक अध्यक्ष पुन मगरको जीवनकालसम्म निकै चर्चामा रहेको समता पार्टी उनको निधनपछि अस्तित्वको संघर्षमा छ । संविधानसभामा एक जना पनि सभासद पठाउन नसकेकाले होला यो पार्टीले संविधानसभा तत्काल विघटनको माग समेत गरेको छ । संविधानसभाबाट पूर्ण लोकतान्त्रिक संविधान बन्न नसक्ने अवस्था रहेको भन्दै संविधान बनाउन सर्वपक्षीय गोलमेच सम्मेलन गर्नुपर्ने राना मगरले उल्लेख गरे ।