आफूहरुले बम पड्काएको खम्बुवान मोर्चाको दाबी

सुनसरीको इटहरीस्थित नेपाल विद्युत् प्राधिकरण कार्यालयमा साउन २० गते विहान बम विस्फोट भएको छ । प्राधिकरण कार्यालय भवनमा सामान्य क्षति पुग्ने गरी भएको विस्फोटनको खम्बुवान मुक्ति मोर्चा संयुक्तले जिम्मेवारी लिएको छ । मोर्चाका प्रवक्ता आकार खम्बुले साचारकर्मीलाई फोन गरी इटहरी र उदयपुरमा समेत आफूहरुले बम राखेको जिम्मावारी लिएको जनाइएको छ ।

प्रहरीले घटनास्थललाई नियन्त्रणमा लिएर अनुसन्धान गरिरहेको छ । यसअघि बिहीबार मात्र सुनसरीकै बविया गाविस-३ स्थित रामेश्वर मेहताको घरमा सशस्त्र समूहले लुकाइराखेको बम विस्फोट हँदा दुई जना घाइते भएका थिए । यसैबीच उदयपुर सदरमुकाम गाईघाटस्थित जिल्ला वन कार्यालयमा पनि प्रेसरकुकर बम फेला परेको छ ।