लेखा समितिमा सभासद एमएस थापाले टेलिकमका हाकिमको झाँको झारे

राष्ट्रिय जनमुक्ति पार्टीका अध्यक्ष तथा संसदीय दलका नेता एमएस थापाले नेपाल टेलिकमका म्यानेजिङ्ग डाइरेक्टर विश्वनाथ गोयललाई ग्राहकले तिरेको पैसा अनुसारको सुविधा दिन तथा टेलिकमलाई वास्तविक मुनाफामा लैजान निर्देशन दिएका छन् । थापाले मोवाइल ल्याण्डल्याइन टेलिफोन र सिडिएमएबाट फोन गर्दा आवाज नसुनिने तर पैसा काट्ने गरेकाले ग्राहकमाथि अन्याय भईरहेको बताए ।

सिँहदरबारमा साउन १२ गते बसेको समितिको वैठकमा थापा र गोयलवीच भनाभन समेत भएको थियो । जनताले चुनेर पठाएको प्रतिनिधिसँग मुख लाग्न थालेपछि म्यानेजिङ्ग डाइरेक्टर गोयललाई थापाले घुस्याहा भनेका थिए । रु ७ करोडसम्मको टेण्डर स्विकृत गर्ने अधिकार म्यानेजिङ्ग डाईरेक्टरलाई हुन्छ । गोयलले घुस खानकै लागि टेण्डर समयमा आव्हान नगर्ने र कसैको टेण्डर परेन भनेर वि्रजीङ्ग प्रोजेक्टको बहानामा पुरानै ठेक्दारलाई काम दिँदै आएको भनेपछि भने गोयलको मुख बन्द भएको थियो ।

गोयलले काठमाडौंमा बनेका अग्ला भवन र लोडसेडिङ्गले गर्दा टेलिकमले ग्राहकलाई गुणस्तरीय सेवा दिन नसकेको तर्क अघि सारेका थिए । सभासद थापाले नीजि क्षेत्रबाट संचालित एनसेललाई अग्ला भवन र लोडसेडिङ्गले किन असर नगेरेको त भनेपछि भने फेरी गोयल बोल्न सकेनन् । नेपाल टेलिकम नाफामा भएको प्रचार गरेर त्यहाँका कर्मचारीहरुले बोनसको रुपमा मोटो रकम बाँध्ने गरेको भएपनि शेयर धनीहरुले नाफाको हिस्सा नपाएको थापाको दाबी थियो ।

यसअघि नेपाली जनताले रु ६०० किनेको प्रतिकित्ता शेयर टेलिकमका कर्मचारीहरुलाई भने रु ९० मा वितरण गरिएको थियो । जबकी त्यहाँका कर्मचारीहरुले निशुल्क काम गरेका त होइनन् । नेपालमा नेपाल टेलिकम मात्रै त्यस्तो संस्था हो जहाँ १० बजे खुल्नु पर्ने कार्यालयमा कर्मचारीहरु ११ बजे तिर आईपुग्छन् र २ नबज्दै घर हिँडी सकेका हुन्छन् ।