जनकपुरधाम, ६ जेठ
संयुक्त लोकतान्त्रिक मधेसी मोर्चाका नेताहरुले प्राविधिक बहुमतको समर्थनमा थप गरिएको संविधानसभा औचित्यहीन हुने बताएका छन् ।
मोर्चाद्वारा आज आयोजित पत्रकार सम्मेलनमा उनीहरुले दुईतिहाइ बहुमतका समर्थनमा संविधानसभाको म्याद थप्ने कार्य मोर्चालाई मान्य नहुने बताएका हुन् ।
तराई मधेस लोकतान्त्रिक पार्टीका केन्द्रीय अध्यक्ष महन्थ ठाकुरले सङ्घलाई अस्वीकार गरिएको संविधान मधेसी हितविपरीत हुने भएकाले मधेसी नेताहरु संविधानसभामा बस्नुको कुनै अर्थ छैन भने ।
मधेसी जनअधिकार फोरम (लोकतान्त्रिक) का अध्यक्ष विजय गच्छदारले यथास्थितिमा संविधानसभाको म्याद थप्न नसकिने बताए ।
सद्भावना पार्टीका अध्यक्ष राजेन्द्र महतोले बहुमतीय आधारमा सरकारमा सहभागी नहुने सन्दर्भमा मधेसवादी दल सजग रहनु जरुरी छ भन्दै मधेसीको अधिकार सुनिश्चित गर्न सडक सङ्घर्षको सम्भावना बढ्दै गएको छ ।
0
0
