काठमाडौँ, ३१ वैशाख
नेकपा (एमाले)का नेता केपी ओलीले राजनीतिक सहमतिका साथ अघि बढ्न सरकारलाई सुझाव दिएका छन् । युवा सङ्घ नेपालको २१ औँ स्थापना दिवसको अवसरमा आयोजित दौड प्रतियोगिताको उद्घाटन गर्दै नेता ओलीले सरकारले राजनीतिक दलहरुसँग सरसल्लाह नगरिकनै एकलौटी ढङ्गले संविधानसभाको म्याद थप्न खोजेको आरोप लगाए ।
एमालेले टेलिभिजन हेरेर मात्रै म्याद थप गर्ने सरकारको निर्णय थाहा पायो, यसबारे प्रमुख प्रतिपक्षीसँग पनि कुनै सरसल्लाह गरेन, म्याद थप गर्दा पार्टी भित्र छलफल र आधिकारिक निर्णय भएन उनले भने ।
दुईतिहाइको आधारमा सरकार अघि बढ्न खोजे देशमा भिडन्तको अवस्था सिर्जना हुनेतर्पm सचेत गराउँदै नेता ओलीले कसैसँग सरसल्लाह नगरी संविधानसभाको म्याद थप्ने सरकारको निर्णय सत्तामा टिकिरहने चाल भएको धारणा राखे ।
उनले म्याद थप्नुअघि सरकारले विश्वासिलो आधार प्रस्तुत गरेर सबै दललाई सहमतिमा ल्याउनुपर्ने कुरामा जोड दिए ।
0
0
