काठमाडौँ, १६ वैशाख
एकीकृत नेकपा (माओवादी) को केन्द्रीय समिति बैठकले अध्यक्ष पुष्पकमल दाहाल ‘प्रचण्ड’द्वारा प्रस्तुत राजनीतिक प्रस्ताव बहुमतबाट पारित गरेको छ ।
गत शुक्रबारदेखि चलेको वैठकले शान्ति र संविधानमा जोड दिँदै अध्यक्ष दाहालको सो प्रस्ताव पारित गरेको हो । पार्टीका उपाध्यक्ष मोहन वैद्यले भने अध्यक्षको प्रस्तावमाथि सैद्धान्तिक असहमति जनाउँदै नोटअफ डिसेन्ट लेखका छन् ।
उपाध्यक्ष वैद्यले गत मङ्सिरमा सम्पन्न पार्टीको विस्तारित बैठकको म्यान्डेटअनुसार तत्कालको कार्यनीति जनविद्रोहलाई बनाउनुपर्नेमा जोड दिदै आएका थिए ।
शान्ति र संविधानप्रति षड्यन्त्र सुरु भइसकेकाले जनव्रिदोहमा जानुपर्ने कुरा उल्लेख गरी उनले पनि बैठकमा छुट्टै प्रस्ताव पेस गरेका थिए ।
अध्यक्ष दाहालले भने तत्काल शान्ति र संविधानलाई नै कार्यनीति बनाई त्यसमा अवरोध खडा भएमात्र जनविद्रोहमा जानुपर्ने विचार राख्दै आएका थिए ।
अध्यक्षको सो विचारलाई अर्का उपाध्यक्ष डा बाबुराम भट्टराई पक्षधरले साथ दिएकाले उनको प्रस्ताव बहुमतले पारित हुन सम्भव भएको हो ।
0
0
