रूद्र श्रीसमगर
पोखरा, साउन २ – पोखरा लेखनाथ महानगरपालिका वडा नं. १०, नहरमार्ग स्थित सृष्टि टोल विकास आमा समूहको आयोजनामा सोमबार देखि दुई दिने उद्घोषण तालिम सुरु भएको छ ।
सो तालिमको उद्घाटन गर्दै वडा नं. १० का वडाध्यक्ष राजकुमार गुरुङले तालिमबाट आमा दिदीबहिनीहरूको क्षमता अभिवृद्धि हुने विश्वास व्यक्त गर्नुभयो । तालिममा सिकेका कुरालाई व्यवहारमा उतार्न सुझाव दिँदै वडाध्यक्ष गुरुङले अहिलेको युगमा हरेक क्षेत्रमा बोल्ने कलाको महत्व बढ्दै गएको बताउनुभयो ।
कार्यक्रममा वडा सदस्यहरू सम्मरबहादुर श्रेष्ठ, दीपक थापा, निशा मल्ल, प्रतिभा विक पोखरेल, आमा समूहकी पूर्व अध्यक्ष फूलकुमारी थापालगायतले तालिमलाई उपलब्धीमूलक बनाउनुपर्नेमा जोड दिएका थिए ।
सृष्टि टोल विकास आमा समूहकी अध्यक्ष देउमाया गुरुङको अध्यक्षतामा भएको कार्यक्रमको सञ्चालन सचिव विष्णु थापाले गर्नुभएको थियो । मंगलबारसम्म हुने तालिममा निर्मला कार्की भण्डारीले प्रशिक्षण दिनुभएको छ ।
0
0
