माओवादी स्थायी समिति बैठकले मन्त्रीको नाम दिन सकेन

काठमाडौँ, १ वैशाख

एकीकृत नेकपा (माओवादी) ले आज पनि सरकारमा पठाउने थप मन्त्रीको नाम सार्वजनिक गर्न सकेन ।

सो पार्टीको केन्द्रीय कार्यालय, कोटेश्वर पेरिसडाँडामा अपरान्ह साढे ३ बजे सुरु भएको स्थायी समिति बैठकले सरकारमा पठाउने थप मन्त्रीहरूको टुङ्गो लगाउने बताइएको थियो ।

छलफल जारी रहेकाले भोलि पुनः बैठक बसी थप निर्णय गर्ने पार्टीका उपाध्यक्ष नारायणकाजी श्रेष्ठले जानकारी दिए ।

बैठक शुक्रबार दिउँसो ३ बजे बस्ने बताइएको छ ।