रूद्र श्रीसमगर
पोखरा, वैशाख २१ – नेकपा (माओवादी केन्द्र) पोखरा लेखनाथ महानगरपालिका वडा नं. १ ले यही वैशाख ३१ गते हुने स्थानीय तहको निर्वाचनका लागि घरदैलो अभियान सुरु गरेको छ ।
‘गाउँ–नगर घर घर जाऔं, माओवादी केन्द्रलाई विजयी गराऔं’ भन्ने मूल नाराका साथ माओवादी केन्द्रलाई विजयी गराउनका लागि चुनावी अभियान सुरु गरेको हो । वडा नं. १ को कसेरीबाट चुनावी अभियान सुरु गरेको छ । वडा नं. १ मा माओवादी केन्द्रका तर्फबाट वडाध्यक्षमा डिल्लीराम अधिकारी, खुल्ला सदस्यमा मदन भण्डारी, काजीमान लामा, महिला सदस्यमा शारदा सुवेदी, दलित महिला सदस्यमा स्यानीकान्छी सुनारले उम्मेदवारी दिनुभएको छ ।
घरदैलो अभियानमा पार्टीका केन्द्रीय सदस्यद्वय कल्पना पाण्डे र रूद्रबहादुर श्रीस, वडा नं. १ का अध्यक्ष शंकर तिवारी, चुनावी प्रचारप्रसार उपसमितिका संयोजक तिलक कोइरालालगायतले स्थानीय तह माओवादीकै एजेण्डा भएको हुनाले माओवादीलाई विजयी गराउन आग्रह गरेका थिए ।
0
0
