संजय सिंजाली मगर
काठमाण्डौं, माघ १० – राष्ट्रिय जनमुक्ति पार्टीले विश्व जनमुक्ति सम्मेलन २०७३ फागुन २३, २४ र २५ गते काठमाण्डौंमा गर्ने पार्टीले जनाएको छ । पाचौं महाधिबेशन पश्चातको संघीय परिषदको दोस्रो बैठक धोवीघाट स्थित सिदार्थ कटेजमा ४ दिन सम्म चलेको बैठकले विभिन्न प्रस्तावहरु मध्ये जनमुक्ति विश्व सम्मेलनलाई प्रमुख एजेण्डमा राखी सर्व सम्मतीले पास गरेको छ ।
जनमुक्ति विश्व सम्मेलन काठमाण्डौंको खुल्ला मञ्चमा फाल्गुन २३ गते पार्टी अध्यक्ष खड्का प्रसाद पालुङ्गाले उद्धघाटन गर्ने छन् । सम्मेलनको दोस्रो दिन काठमाण्डौंको सोल्टी होटलमा बन्द सत्र गर्ने र तेस्रो दिन काठमाण्डौं घोषण पत्र जारी गर्ने छ ।
राष्ट्रिय जनमुक्ति पार्टीको प्रवास शाखा जनमुक्ति मञ्च बेलायत, अमेरिका, क्यानेडा, कतार, साउदी, मलेसिया, हङकंङ, ईजरायल, साईपरस, जापान, स्पेन, मकाउ, अस्द्रेलिया, बहराईन, कुबेत, लगायत २० देश बाट ३/३ जना प्रतिनिधी र २/२ जना प्रयवेक्षक को उपस्थित हुने पार्टीका उपाध्यक्ष तथा प्रवास विभाग प्रमुख कमला थापाले राज्यसत्तालाई जानकारी दिए । जनमुक्ति पार्टीको विश्व सम्मेलनमा भाग लिन पार्टीको ६५ जिल्ला बाट १० औं हजार नेता कार्यकर्ता र पार्टीका शुभचिन्तकहरु काठमाण्डौं आउने सम्मेलनका संयोजक पार्टीका बरिष्ठ उपाध्यक्ष यम बुढाथोकी मगरले जानकारी दिए । यो सम्मेलन करिब ३० लाख रुपैंया खर्च लाग्ने आयोजकले जानकारी दिए ।
बैठकले पार्टीलाई चुस्त र दुरुस्त राख्न आन्दोलन गर्ने, जिल्ला, नगर र गाउपालीका कार्यलयमा ज्ञापनपत्र बुझाउने, देशको मुख्य मुख्य भागमा २६ बुदेको मर्म अनुसार मुख्य नाराहरु लेख्ने । पार्टीका नाराहरु लेखिएको प्लेकार्ड, ब्यानर सहित पैदल मार्च, साईकल, मोटरसाईकल र्याली गर्ने । अधिबेशन गर्ने बाकी जिल्ला प्रदेशमा माघ मसान्त्त भित्र अधिबेशन भेला गर्ने, २०७४ सालको बैशाकको पहिलो हप्ता पार्टीका राष्ट्रिय भेला काठमाण्डौंमा गर्ने लगायतका एजेण्ड पारित गरेको छ । बैठकले देशको बर्तमान राजनितिक परिवर्तनको समिक्षा गर्दै भोली ११ गते समापन गर्दैछ ।
0
0
