गोविन्द घर्ती
देवदह, पुस ४ – रुपन्देहीको देवदहमा नेकपा एमालेको भातृसंगठन युवा संघका जिल्ला अध्यक्ष दुर्गा तिवारीको गोली हानी हत्या भएको छ ।
घरबाट नगरपालिका जाने क्रममा मोटरसाईकलमा आएका अपराधीले तिवारीलाई गोली हानी हत्या गरेको हो । कोखामा एउटा गोली लागी गंभिर घाईते भएका तिवारीको उपचारको क्रममा देवदह मेडिकल कलेज भलुहीमा मृत्यु भएको देवदह प्रहरी चौकीले जनाएको छ । देवदहको खैरेनी निवासी ३९ वर्षका तिवारी माथि अपराधीहरुले गोली हानेर भागेको रुपन्देही प्रहरीले जनाएको छ । घटनाको अनुसन्धान भैरहेको र गोली हान्ने अपराधीको खोजी भैरहेको जिल्ला प्रहरी कार्यालय रुपन्देहीले जनाएको छ ।
युवा संघ रुपन्देहीले अपराधिलाई पक्राउ नगर्दा सम्म लास उठाउन नदिने भनि भलुही मेडिकल कलेजको गेटमा केही बेर नाराबाजी समेत गरेका थिए । नारा जारी पछि मृतक तिवारीको लास देवदह मेडिकल कलेजमा राखिएको प्रहरीले जनाएको छ । तिवारीलाई गत फागुनमा आफनै ईट्टाभत्ताबाट निस्कने क्रममा गोली प्रहार गरिएको थियो । तर त्यती खेल तिहावरी बच्न सफल भएको यियो । गोली प्रहार पछि प्रहरी प्रशासनलाई जानकारी दिएपनि प्रहर् प्रशासनले वेवास्ता गरेका कारण अहिले तिवारीको हत्या भएको युवा संघले जनाएको छ ।
त्यसैगरि देवदहको खैरेनीमा तिवारीको हत्याको विरुद्धमा युवा संघ नेपालका युवाहरुले आन्दोलन गरिरहेको छ । आन्दोलनका कारण सम्पूर्ण सवारी साधन ठप्प रहेको छ । युवा संघ नेपालले रुपन्देहीको विभिन्न स्थानमा आन्दोलन गरिरहेको छ ।
0
0
