राज्यसत्ता,
बुटवल,असार ११ मगर भूतपूर्व सैनिक तथा प्रहरी संघले सैनिक मन्त्रालयको माग सरकार समक्ष गर्ने भएको छ ।
साथै बिट्रिस गोरखा र उनका परिवार लाई गैरआवसीय परीचय पत्र नभई नेपाली नागरिकताको निरन्तरता हुनुपर्ने समेत माग गर्ने भएको छ । नेपाल मगर भूपू सैनिक तथा प्रहरी संघको चौथो बैठक नेपाल मगर संघ रुपन्देहीको कार्यालयमा अध्यक्ष हुमबहादुर थापा मगरको अध्यक्षतामा बसेको थियो ।
केन्द्रीय समिति जिल्ला समितिहरुको संयुक्त बैठकले संगठन लाई गाँउ तथा नगर तह सम्म विस्तार गर्न संम्वन्धित क्षेत्रका केन्द्रीय सदस्य र जिल्ला अध्यक्षहरु क्रियाशील भई काम गर्ने भएका छन् ।
नेपाल मगर संघको एघारौं महाधिवेशनबाट भाषिक उपाध्यक्ष पदमामा निर्वाचित हुनु भएका संघका महासचिव दलबहादुर विर्कटा मगर र केन्द्रीय सदस्यमा नारायणी अञ्चलबाट निर्वाचित सु.मे. चन्द्रबहादुर राना मगर लाई संघका अध्यक्षले खादा लगाई बधाई तथा शुभकामना दिएका थिए ।
त्यस्तै कास्की जिल्ला बाट सिफारिस भई आएका सु.चन्द्रबहादुर थापा मगर र रामबहादुर पुन मगरलाई केन्द्रीय सदस्यमा सर्वसम्मतले चयन गरी उहाँलाइ समेत बधाई ज्ञापन गरीइएको थियो ।
0
0
