रूद्र श्रीसमगर
पोखरा, १३ चैत्र
बागलुङ समाज, पोखराको संयोजन तथा बागलुङ समाज पोखरा बचत तथा ऋण सहकारी संस्था लिमिटेड, बागलुङ–पोखरा मगर समाज, बागलुङ पोखरा नेवाः खलः, बागलुङ–पोखरा महिला समाज र गलकोट घुम्टे विकास मञ्च–पोखराको संयुक्त आयोजनामा शनिबार भएको रक्तदानमा ४४ युनिट रगत संकलन भएको छ ।
रक्तदान कार्यक्रमको कार्यक्रम संयोजक एवं बागलुङ समाज, पोखराका उपाध्यक्ष कुलचन्द्र शर्माले पहिलो रक्तदाता कल्पना सापकोटालाई ब्लड ब्याग हस्तान्तरण गरी उद्घाटन गर्नुभएको थियो । कार्यक्रममा रक्तदाताहरूलाई बागलुङ समाज, पोखराका पूर्व अध्यक्षद्वय भीमबहादुर श्रीस र भानुभक्त कँडेलले प्रमाणपत्र वितरण गर्नुभएको थियो ।
कार्यक्रम संयोजक शर्माको अध्यक्षतामा भएको कार्यक्रमको सञ्चालन समाजका सचिव विक्रम थापाले गर्नुभएको थियो भने सह–सचिव कृष्णाकुमारी श्रीसले स्वागत गर्नुभएको थियो ।
0
0
