दर्लामी टोल आगोले सखाप भयो

स्याङ्जा, १६ फागुन

स्याङ्जा जिल्ला करिकोत गाविस वडा न ५ पिउघा भन्ने गाउँमा छाइसकेको गोठको खरको धुलोमा केटाकेटीहरु आगो फुक्दै खेल्दा दर्लामी टोल आगोले जलेर पुरै सखाप भएको छ। आगो बेलुकीपख करिब ५र६ बजेको बीचमा सुरु भएको थियो । हुरी बतासका कारण आगो निभाउन निकै नै साह्रो परेकोले झन्डै चारवटा वरपरका गाउका मानिसहरुको सहयोगमा बल्ल-बल्ल आज बिहान मात्र आगो निभाएकाथिए ।। घर गोठ जल्नेहरुमा एम बि दर्लामी, अमर बहादुर दर्लामी, रन बहादुर दर्लामी, नित बहादुर दर्लामी, तोप बहादुर दर्लामी,चिन बहादुर दर्लामी परेका छन । आगो उज्यालोपख लागेकोले धेरै क्षति नभएपनि कम्तिमा झन्डै ३० लाख भन्दा बढीको क्षति भएको अनुमान छ ।

अमर दर्लामी र देव पचभैया पाल्पा