देब पचभैया
पाल्पा, माघ १८ – ६ दिन अधि बिधालय बाट भागेर पोखरा पुगेका पाल्पाका २ बालकलाई सोमबार अभिभावकको जिम्मा लगाईएको छ ।
मदन आश्र्रित निमाबि सिलुवा ४ पाल्पामा कक्षा ६ मा पढ्ने १३ बर्षिय चेतन चिदि र कक्षा ५ मा पढ्ने ११ बर्षका गोपाल चिदिलाई पोखराबाट पाल्पा ल्याएर अभिभावकको जिम्मा लगाईएको हो । गएको १२ गते बिधालय गएका उनीहरु घर नफर्किएपछि अभिभावकले प्रहरीलाई खबर गरेका थिए ।
पोखराको पृथीबी चोकमा अलपत्र परेका उनीहरुलाई स्थानिय बाल हितकारी परियोजनाले भेटाएपछि महिला तथा बालबालीकाको कार्यालय र बालबालिकाको क्षेत्रमा काम गर्ने बेस पाल्पालाई खबर गरेका थिए । ति दुई सस्थाका प्रतिनिधि पोखरा पुगेर दुई बालकलाई प्रहरीको जिम्मा लगाएका थिए । जिल्ला प्रहरी कार्यालय पाल्पाका अनुसार पोखरा भेटिएका गोपाल चिदिका बुवा ४३ बर्षिय यमबहादुर चिदिको जिम्मा लगाई उनीहरुलाई घर पठाईएको हो ।
दुई बालकले पोखरा सहर घुम्नको लागी बस चढेर गएको बताएका छन् ।
0
0
