रूद्र श्रीसमगर
पोखरा, ४ असोज – संयुक्त मगर मञ्च, नेपालले आइतबार र सोमबार आह्वान गरेको मगरात बन्दका क्रममा सोमबार पाल्पाको तानसेनमा शान्तिपूर्ण रूपमा बन्दमा सहभागी मगरात संघर्ष समिति पाल्पाका संयोजक बलबहादुर गाहामगर, रामबहादुर आलेमगर र वीरबहादुर बुचामगरमाथि सांघातिक आक्रमण भएको भन्दै गम्भीर ध्यानाकर्षण भएको जनाएको छ ।
मञ्चका संयोजक लोकबहादुर थापामगरले सोमबार एक प्रेस विज्ञप्ति जारी गर्दै मगरात भूमिलाई सिमाङ्कनका नाममा तीन टुक्रामा विभाजन गरिएको विरोधमा मञ्चले गरिरहेको वैधानिक र शान्तिपूर्ण आन्दोलनलाई भड्काउन मोटरसाइकलमा आएका केही लठैतहरूले नेताहरूमाथि आक्रमण गरेको उल्लेख गर्नुभएको छ ।
‘शान्तिपूर्ण र वैधानिक रूपमा भइरहेको आन्दोलनलाई भड्काउने नियतले मोटरसाइकलमा लठैतहरू पठाएर गुण्डागर्दी शैलीमा हाम्रा साथीहरूलाई सांघातिक हमला गरिएको छ’, विज्ञप्तिमा भनिएको छ, ‘आक्रमणको हामी घोर भ्रत्र्सना गर्दछौं र आक्रमणकारीलाई कडा कारबाहीको माग गर्दछौं ।’ प्रशासनले कारबाही नगरे आक्रमणकारीलाई संयुक्त मगर मञ्च, नेपालले आफैं कारबाही गर्ने चेतावनी समेत संयोजक थापाले विज्ञप्तिमार्फत् दिनुभएको छ ।
0
0
