बि.के.राना
गोरखाली भारदार काजि बिराज थापामगरका बारेमा फेब्रुअरी २६, २०१४ का दिन मैले Wikipedia मा Post गरेको यो सानो टिपोट आज ११ बर्ष लागिसकेको अवस्था छ (तल हेर्नुहोस ) । यस पोष्टलाई सुधार्नु पर्ने भन्ने सूचना पनि यथावत् कायम छदैंछ । सम्बत् १९१२ मा नेपाल र भोटको लडाईमा गोरखाका कप्तान बुद्दिबल राना मगरले अत्यन्त उच्च, गौरवशाली वीरगति प्राप्त गरे । त्यसबारेमा मैले पनि थोर बहुत कलम चलाएकै हो ।
भोटको लडाई थामिएपछि भनौ, आश्विन सुदी १४ सम्बत् १९१२ मा नेपाल (गोर्खा सरकार) र भोट सरकार बीच सन्धी-सुलह भएको बुझिन्छ । त्यसबेलाको राणा शाशनकालमा कप्तान बुद्दिबल राना मगरका बारेमा सो दस्तावेजमा कुनै कुरा नहुनु स्वाभाविकै लाग्दछ । तर लालबहादुर आउँमासीद्वारा लेखिएको भनिएको सन् १९४२ मा सर्वहितैषी कम्पनी बनारसद्वारा प्रकाशित ‘भोटको लडाईको सवाई‘ नामको सानो पुस्तिकामा बुद्दिबल राना मगरको पौर चर्चा गरिएकाे छ ।
अहिले गोरखा सिमलगैरीमा बुद्दिबल रानामगरको अर्धकदको शालिक स्थापना गरिएकोछ । त्यहाँ त्यो अत्यन्त प्रशंसनीय काम भएको छ ।