काठमाण्डौं, फागनु १९
सरकार र नेत्र विक्रम चन्द “विप्लव” समूहबीच बिहिबार बिहान भएको पहिलो चरणको औपचारिक वार्ता सराकात्मक रुपमा सम्पन्न भएको छ । वार्तामा सरकारका तर्फबाट गृहमन्त्री रामबहादुर थापा र प्रधानमन्त्रीका परराष्ट्र मामिला सल्लाहकार राजन भट्टराई तथा खड्कबहादुर विश्वकर्माको नेतृत्वमा विप्लव समूह वार्तामा थियो । दुवै समूहले वार्ता समिति नै गठन गरेर औपचारिक रुपमा वार्ता गरेका हुन् ।
प्रधानमन्त्री निवास बालुवाटारमा उच्च सुरक्षा सतर्कता सहित वार्ता भएको हो । वार्तामा विप्लव समूहले आफूहरुमाथि लगाइएको प्रतिबन्ध फुकुवा गर्नुपर्ने सर्त अघि सारेको छ भने पक्राउ परेका नेता–कार्यकर्ताको रिहाइ र उनीहरुमाथि लगाइएको मुद्दा फिर्ता गर्नुपर्ने माग गरेको छ । विभिन्न आपराधिक गतिविधिमा संलग्न भएको भन्दै सरकारले २०७५ सालको फागुन २८ गतेदेखि विप्लव समूहमाथि प्रतिबन्ध लगाएको थियो ।
0
0
