रूद्र श्रीसमगर
पोखरा, चैत्र ३१ – पोखरा लेखनाथ महानगरपालिका वडा नं. २७, अर्घौंचोक निवासी भूपू बेलायती गोर्खा सैनिक भीमलाल पुनको परिवारलाई आर्थिक सहयोग गरिएको छ ।
बेलायती गोर्खा सैनिकबाट अवकाश लिएपछि गोर्खा रिजर्व युनिट, ब्रुनाईमा कार्यरत रहेका पुनले पुनः दोस्रो चरणको जागिरबाट अवकाश लिनुभएको थियो । अवकाश प्राप्त जीवन बिताइरहेका पुनको उपचारको क्रममा ५६ वर्षको अल्पायुमै निधन भएपछि परिवारमा समस्या आइलागेको थियो ।
सन् १९८३ मा बेलायती गोर्खा सैनिकमा भर्ती भएका हाल ब्रुनाईमा कार्यरत पुनका सहपाठी गोर्खा सैनिकहरूले सहयोग संकलन गरी पुनको परिवारलाई आर्थिक सहयोग हस्तान्तरण गरेका हुन् । बिहीबार हाल ब्रुनाईमा कार्यरत प्रसन्नलाल थापाले स्व. पुनकी श्रीमती तुलमाया पुनलाई २ लाख ७५ हजार ५ सय रुपैयाँ सहयोग रकम हस्तान्तरण गर्नुभयो ।
सहयोग रकम हस्तान्तरण गर्दै थापाले पुनको परिवारलाई सहयो गर्न अन्य ब्रुनाईमा कार्यरत सहपाठीहरूलाई पनि आग्रह गर्नुभयो । सहयोग रकमले पुनको परिवारलाई थोरै भएपनि राहत पुग्ने अपेक्षा गरिएको उहाँले बताउनुभयो । सहयोग रकम बुझ्दै स्व. पुनकी श्रीमती तुलमायाले विदेशी भूमिमा बगाएको रगत, पसिनाको कुनै मूल्य नरहेको बताउनुभयो । साथै, तुलमायाले सहयोग गरेकोमा धन्यवाद समेत दिनुभयो ।
0
0
