रूद्र श्रीसमगर
पोखरा, चैत्र ५ – बागलुङ–पोखरा मगर समाजले रिक्त रहेको सह–सचिव र तीन सदस्य मनोनित गरेको छ । शनिबार बसेको समाजको बैठकले रिक्त पदहरूमा पूर्ति गरेको हो ।
बैठकले सह–सचिव पदमा कार्यसमिति सदस्य रूद्रबहादुर श्रीस एवं सदस्यहरूमा सञ्जय पुन, कुमारी श्रीस र सु. चन्द्रबहादुर थापालाई मनोनित गरेको छ । त्यसैगरी, समाजका नयाँ सदस्यहरूलाई समेत बैठकका अवसरमा स्वागत गरिएको समाजका उपाध्यक्ष कृष्णाकुमारी श्रीसले जानकारी दिनुभयो ।
नयाँ सदस्यहरू दिलमाया छन्त्याल, नरबहादुर पुन र छमबहादुर थापालाई सो अवसरमा स्वागत गरियो । त्यस्तै, सोही अवसरमा समाजलाई भाँडाकुँडालगायतका जिन्सी सहयोग गर्ने माया थापा, सु. सूर्यबहादुर राना, सु. रामबहादुर थापालाई सम्मान पनि गरिएको थियो । यसैबीच, बैठकले समाजद्वारा प्रकाशित नयाँ वर्ष २०७४ सालको मगरात भित्तेपात्रो यही चैत्र १२ गते विमोचन गर्ने निर्णय गरेको छ ।
समाजकी उपाध्यक्ष कृष्णाकुमारी श्रीसको अध्यक्षतामा भएको कार्यक्रमको सञ्चालन सचिव गजेन्द्र थापा र समाजका संस्थापक अध्यक्ष दलबहादुर थापाले पनि बोल्नुभएको थियो ।
0
0
