गोविन्द घर्ती
देवदह, फागुन २४ – मंगोल नेशनल अर्गानाईजेसन देवदहको प्रथम नगर अधिवेशन यही फागुन २७ गते हुने भएको छ ।
प्रथम अधिवेशनको सम्पूर्ण तयारी पुरा भएको अर्गानाईजेसनले जनाएको छ । देवदहमा पत्रकार सम्मेलनको आयोजना गरी तयारी पुरा भएको अर्गानाईजेसनले जनाएको हो । सो अवसरमा बोल्दै अर्गानाईजेसनका जिल्ला अध्यक्ष शिवबहादुर गुरुङ्गले ५ बर्ष भित्र सत्ताकव्जा गर्ने दावी गर्नु भयो ।
उहाले अर्गानाईजेसनले अहिले संगठन विस्तार संगै बैचारिक बहसलाई तिव्रता दिईरहेको जानकारी दिनु भयो । जिल्ला अध्यक्ष गुरुङ्गले देशमा भएको श्रोत साधनलाई प्रयोग गर्न नसकदा विकासले फड्को मार्न नसकेको बताउनु भयो । देवदह–१०, घोडाहाबाट ¥याली सहित देवदहको खैरेनीमा आएर सभामा परिणत हुने पत्रकार सम्मेलनमा जानकारी दिईएको थियो ।
अधिवेशनको उद्घाटन सत्रमा अर्गानाईजेसनका केन्द्रिय कोषाध्यक्ष दिनेश वान्तवा आउनु हुने जनाएको छ । फागुन २६ गते वन्दसत्र संचालन गरिने र २७ गते घोषणा गरिने अध्यक्ष गुरुङ्गले जनाकारी दिनु भयो ।
0
0
