देव पचभैया
पाल्पा, फागुन १८ – फागुन १५ मा पर्ने ३५ औ मगर संघको स्थापना दिवसको अवसरमा पाल्पाका बिभिन्न स्थानमा पनि मगर संघको स्थापना दिवस मनाएका छन् ।
२०३९ साल फागुन १५ गते तनहु दमौलीमा प्रथम राष्ट्रिय महाधिबेशन सम्पन्न भएको दिनलाई मगर संघले स्थापना दिवसको रुपमा मनाउदै आएको हो । संघको स्थापना दिवसको अवसरमा पाल्पाका बौघागुम्हा, रामपुर, कसेनी, ठिमुरे, देउराली, कुशुमखोला ताहुँ, वीरकोट, बन्दीपोखरा, कचल लगाएतका स्थानमा पनि कार्यक्रम भएको मगर संघ पाल्पाका अध्यक्ष बल बहादुर गाहाले जानकारी दिनुभयो ।
तत्कालिन लाङ्घाली परिवारको नाममा स्थापित मगर संघलाई २०४८ सालमा स्वर्गिय पुर्व मन्त्री गोरे बहादुर खपांगी संघको अध्यक्ष हुदा परिवर्तन गरी नेपाल मगर संघ नामाकरण गरिएको थियो । फागुन १५ मै ४५ औ चिन्डिके डुप्के तथा मगर अन्र्तराष्ट्रिय मंचको तेस्रो स्थापना दिवस समेत मनाईएको थियो । तेस्रो ठुलो जनसंख्यामा रहेका मगरहरुको २०६८ सालको जनगणना अनुसार १८ लाख ८७ हजार ७ सय ३३ जनसंख्या रहेको छ ।
0
0
