गोविन्द घर्ती
देवदह, कार्तिक १२ । रुपन्देहीको देवदह–२, ढेकावरमा अज्ञात लुटेरा समुहले एक जनाको हत्या गरेको छ ।
देवदह–२, ढेकावर निवासी वर्ष २३ को निमकला पाण्डेको हत्या गरेको हो । लुटेरा समुहले घरको ढोका फोरी पाण्डेको हत्या गरेको देवदह प्रहरी चौकीले जनाएको छ । पाण्डेको उपचारको क्रममा लुम्विनी अञ्चल अस्पताल बुटवलमा मृत्यु भएको प्रहरीले जनाएको छ ।
मृतक पाण्डेको एक छोरा, एक छोरी रहेको छ । मृतक पाण्डे केही दिन पहिला माईत सुत्केरी वस्न गई ६ दिन अघिमात्र घर आएको स्थानीयवासीहरुको भनाई रहेको छ ।
लुटेरा समुहले २ वटा सिक्रि, ३ वटा औठी, २ जोर कानमा लगाउने टप, मगलसुत्र सहित गरी करिव साढे ४ तोला सुन लगेको परिवारले जनाएको छ ।
लुटेरा समुहको खोजी कार्य भईरहेको देवदह प्रहरी चौकीका प्रमुख तुलबहादुर अधिकारीले बताउनु भयो । चाडपर्व नजिकै गर्दा यस्ता लुटेरा समुहले लुट्न सक्ने हुदा सचेत र सजग रहन प्रहरीले आग्रह गरेको छ ।
0
0
