देब पचभैया
पाल्पा, चैत्र १८-सडक दुर्घटना र नदीले बगाउदा पाल्पामा ३ जनाको ज्यान गएको छ । दोभान, ८ खुर्सानेमा बुधबार बेलुकी ट्रिपर दुर्घटना हुं“दा कचल १ का ३५ वर्षिय लेखबहादुर उचैको ज्यान गएको हो । दोभान बाट चुनढुंगा लिन कचल जादै लु १ ख ९७०० नम्बरको ट्रिपर सडक बाट शय मिटर तल खस्दा चालक सहित ३ जना घाईते भएका छन् ।
यस्तै पुर्बी पाल्पाको अर्चलेमा डोजर बाट खस्दा ४६ बर्षिय लेख बहादुर रानाको ज्यान गएको छ । चलिरहेको डोजरबाट खसेका रानाको उपचारको क्रममा रामपुर अस्पतालमा ज्यान गएको ईलाका प्रहरी कार्यालय रामपुरले बताएको छ ।
जिल्ला प्रहरी कार्यालय पाल्पाका अनुसार पाल्पाको रानीघाट दरबार निरको कालीनदीमा डुबेर अर्का एक जनाको ज्यान गएको छ ।
रानीघाट निरको कालीगण्डकी तरेर छेर्लुग जाने क्रममा बौघागुम्हा ३ का ४८ बर्षका बोम बहादुर सारुलाई बदीले बगाउदा ज्यान गएको हो ।
बाटो खन्ने क्रममा रानीघाट दरबार देखि छेर्लुग जाने बाटो अवरुद्ध भएको र घुमेर जादा २ घण्टा लाग्ने भएकाले मृतक सारु सहित ३ जना नदी तरेर घर फर्किदै गर्दा बोम बहादुरलाई
नदीले बगाएको अस्थाई प्रहरी चौकी रानीघाटले जानकारी दिएको छ ।
0
0
