काठमाडौं ,
शिक्षा विभागले विद्यालय शिक्षासम्बन्धी कार्यक्रममा स्वागत र ब्याच वितरणलगायत कुनै पनि कार्यक्रममा महिला र छात्रा प्रयोग नगर्न निर्देशन दिएको छ ।
प्रमुख अतिथि, विशेष अतिथिलगायत विशष्टि व्यक्तिलाई स्वागत गर्ने नाममा प्रयोग हुँदै आएका पञ्चकन्याको समेतको प्रयोगमा पूर्णरुपमा प्रतिबन्ध लगाएको छ ।
विभागले विशष्टि व्यक्तिलाई ब्याच दिँदा नलगाईकन हातमा मात्रै दिन निर्देशन दिएको छ । राष्ट्रपति, उपराष्ट्रपति, प्रधानमन्त्री वा विदेशी पाहुना आउँदा विद्यालयका विद्यार्थी प्रयोग गरेर घण्टौसँम लाइनमा राखेर स्वागत गर्ने व्यवस्थालाई समेत निषेध गरेको छ ।
काठमाडौं बाहिर जिल्ला भ्रमणमा जाँदा प्रमुख व्यक्तिललाई नाङ्गो खुट्टाले स्वागत गर्दा साना बालबालिकाको अधिकारसमेत हुनन हुने भएकाले शिक्षा विभागले प्रमुख अतिथिलगायत विशिष्ट व्यक्तिलाई स्वागत गर्ने साना विद्यार्थी प्रयोग नगर्न निर्देशन दिएको हो ।
शिक्षा विभागका निर्देशक एवं प्रवक्ता वैकुण्ठ अर्यालले पाहुनालाई स्वागत गर्ने नामममा घण्टौंसम्म साना विद्यार्थीहरुको अधिक रुपमा प्रयोग हुन थालेपिछि शिक्षा विभागले साना विद्यार्थी र पञ्चकन्या प्रयोग नगर्न निर्देशन दिएको जानकारी दिए ।
बिशेष गरी पञ्चकन्याको नाममा प्रयोग हुने १२ बर्ष मुनिका कलीला बालिकाको अधिकार हनन हुने तर्फ सरकारको कुनै चासो थिएन ,बालअधिकारको समेट हनन हुने यस्तो घ्रिनित कार्यको पक्षपोषन भई रहेको छ भने महिलालाई भोग्य बस्तुको रुपमा मात्र हेरिने पुरुष मानसिकता हिन्दू समाजमा व्याप्त छ ।
नेपाल समाचारपत्र दैनिक
0
0
