नेवा:खल इजरायलले भब्य रुपमा बार्षिक उत्सब मनायो

माया घले मगर

आरोह श्रेष्ठको अध्यक्षतामा १७ सदस्यिय कार्यसमिति चयन

रोजगारीको शिलशिलामा इजरायलमा रहेका नेवारहरूको संस्था नेवा:खल इजरायलले बार्षिक उत्सबको अवसरमा  नयाँ नेतृत्व चयन गरेको छ ।

अन्जी खलले गत ५ फब्रुअरी शुक्रबार तेलअबिबमा संस्थाको स्थापनाको पाचौ बर्ष पुरा गरी छैठौं बर्षमा प्रवेश गरेको अवसरमा विशेष सभाको आयोजना गरी छैठौ बार्षिक उत्सव तथा अधिवेशन सम्पन्न गरेको हो । यस संगै नेवा:खल इजरायलमा आरोह श्रेष्ठको अध्यक्षतामा १७ सदस्यिय नयाँ कार्यसमिति चयन गरिएको छ ।

  समितिको उपाध्यक्षमा सगुन प्रधान चयन भएका छन् भने संस्थाको महासचिवको जिम्मेवारी रेखा श्रेष्ठलाई दिइएको छ । यसै गरी सचिबमा सुनिता श्रेष्ठ चयन भएकी छिन् भने संस्थाको कोषाध्यक्षमा मैना श्रेष्ठ रहेकी छिन। यसै गरी सह-कोषाध्यक्षको जिम्मेवारी मिकिसा माथेमालाई दिईएको छ । त्यस्तै कार्यसमिति सदस्यहरुमा राजेन्द्र श्रेष्ठ, शंकर श्रेष्ठ, गोमा श्रेष्ठ, सरू श्रेष्ठ, प्रबिन श्रेष्ठ, गंगा श्रेष्ठ, सपना श्रेष्ठ, नानी श्रेष्ठ, बिजय श्रेष्ठ, कुसुम श्रेष्ठ, र रमा जोशि रहेका छन् ।

त्यस्तै साधारण सदस्यहरुमा हिरा देबि श्रेष्ठ, मिरा श्रेष्ठ, राम प्रधान, यमुना प्रधान, र ईशा श्रेष्ठ रहेका छन् । संस्थाका सल्लाहकारहरुमा पुष्प श्रेष्ठ, नरेश श्रेष्ठ र श्याम श्रेष्ठलाई चयन गरिएको छ ।

नेवा:खल इजरायलले आफ्नो धर्म, संस्कृति तथा रितिरिवाजका साथै आफ्नो पहिचान बचाई राख्नका लागि पनि आफुहरु एकजुट हुनुपर्ने बताए । आफ्नो कामको बाबजुत पनि प्रवासमा रहेर विभिन्न सामाजिक कार्यहरु गर्दै आएको नेवा: खल इजरायलले नया नेतृत्व लिए संगै अझ सक्रिय रुपले आगाडी बढ्ने आशा गरिएको छ ।