हुमबहादुर थापा पचभैया मगर
ऐट्लान्टा – जर्जिया,३१ जुलाइ – भुटानी अमेरिकन मगरहरूको प्रथम एतिहासिक महाधिवेशन ऐट्लान्टाको जर्जियामा सम्पन्न भएको छ ।
भुटान मगर समाजका संस्थापक तथा भुटानी मगरहरूको बाबाले परिचीत सिके पुलामी मगरको प्रमुख आतिथ्यमा कार्यक्रम सम्पन्न भएको थियो । पुलामी मगर भुटानमा हुँदा सरकारी बिधालयका प्राध्यापक थिए ।
सो सम्मेलनमा अमेरिकामा पुनर्वास भएका करिब ४०० जना भन्दा बेसी भुटानी मगरहरूको साथमा सबै भन्दा बृद्ध ८६ बर्षिय नरबहादुर ल्हायो मगर र ८० बर्षिय चन्द्रबहादुर ल्हायो मगरको उपस्थिती रहेको थियो । मगर भेषभुषामा सजिएर आएका भुटानी मगरहरु एक अर्कामा खुशी बाड्न व्यस्त देखिन्थे ।
(८० बर्षिय चन्द्रबहादुर ल्हायो मगर बाँया र ८६ बर्षिय नरबहादुर ल्हायो मगर दाँया)
प्रथम महाधिवेशनले बिभिन्न प्रस्ताव पास गर्दै अध्यक्षमा तलमान पिठाकोटे मगरलाइ निर्बाचित गरेको छ । शरमान समाल मगर उपाध्यक्ष र बादल समाल मगरलाइ सचिबमा बन्द मतदान द्धवारा निर्बाचित गरेको छ भने बाँकी पदाधिकारी र केन्द्रिय सदस्यहरूलाइ राज्यको आधारमा चयन गरिएको सचिब बादल समाल मगरले राज्यसत्तालाइ बताए ।
जुलाइको २५ र २६ दुइ दिन सम्म चलेको सम्मेलनले पहिलो दिनमा बिभिन्न राज्यहरूबाट उपस्थित भएका मगरहरूले हुर्रा नाँच लगायतका मगर सांस्कृतिक कार्यक्रमका झाँकिहरू प्रस्तुत गरेका थिए । उनिहरूको तथ्यङ्क अनुसार अमेरिकाको ४१ राज्यमा बाक्लो रूपमा भुटानी मगरहरू बसेका छन भने अन्य राज्यहरूमा पनि छरिएर बसेकोले निकट भविस्यमा सबैलाइ समेट्ने समितिले जनाएको छ ।
बाँकी समाचार पढ्नलाई तल दिइएका लिन्क क्लिक गर्नु होस् ।
http://www.bhutannewsservice.com/main-news/magar-culture-convention-convened-in-georgia/
जर्जियामा भुटानी मगरहरूको प्रथम महाधिवेशन:फोटो समाचार
जर्जियाको पहिलो महाधिवेशनले मगर समाजको छाता संगठन पनि तय गर्ने छ : पुवाँर मगर