देब पचभैया
पाल्पा, श्रावण ७ – पश्चिम पाल्पाका बल्ढेङ्गगढी, सत्यवती, कचल लगायतका गाविसमा नेपाल टेलिकमको मोवाईल सेवा सहज नहुँदा ग्राहकहरु मर्कामा परेका छन् । यी गाविसमा नेपाल टेलिकमका प्रिपेड तथा पोष्टपेड सिमकार्डले कभरेज नलिंदा मानिसहरुले हैरानी ब्यहोरेका हुन् ।
गाउँमा आउने पाहुँनाले समेत फोन नलागेको गुनासो गर्ने स्थानियले बताएका छन् ।
सुकादमार, बुढीदरमार, खुर्साने, सत्यवती, बल्ढेङ्ग, जुठा, गहते, काउले, चिदीपानी, लौधपानी, कचल, चहला लगायतका गाउँमा नेपाल टेलिकमका मोवाइल फोन नलागेर उपभोक्ता हैरानीमा परेका छन् । नेपाल टेलिकमका मोवाईल फोनले कभरेज नदिएका कारण एनसेल मोवाईलका प्रयोगकर्ता भने बढेका छन् ।
केही डाँडाकाँडामा टेलिकमका मोवाईलले आशिंक रुपमा काम गरे पनि धरैजसो ठाउँमा कभरेज नगर्ने स्थानीयको भनाई छ । नेपाल टेलिकमले टावर स्थापना नगर्दा कभरेज नपुगेको हो । केही स्थानमा भने रुपन्देही तथा कपिलबस्तु जिल्लाका टावरले टिप्ने हुँदा कभरेज दिने गरेको छ ।
नेपाल टेलिकम पाल्पाका प्रमुख भगवानराम कलवारले बल्ढेङ्गगढी, सत्यवती, कचल लगायतका गाविसमा यसै आर्थिक वर्षमा टावर स्थापनाको प्रयास भइरहेको जानकारी दिए । ति गाविसमा टेलिकमका मोवाईलले फोन नटिप्ने समस्या धेरै पहिलेदेखि रहेको भन्दै सहज कभरेजको लागि टावर निर्माणको पहल थालिएको उनको भनाई छ ।
0
0
